簡易安防EasyGuard

喺香港，如果你懷疑自己被人偷拍，應該先了解對方嘅行為係屬於咩情況，因為唔同情況涉及嘅法律後果都唔一樣。

1. 偷拍私密部位

如果對方係偷拍你嘅私密部位（例如裙底、廁所、更衣室等私密空間）：

- 你可以即時要求對方打開手機俾你檢查。

- 可以報警，警方可以根據《刑事罪行條例》第60章第161KA條，拘捕對方「窺淫罪」。

一經定罪，可判監禁。

2. 偷拍樣貌或喺公眾地方影相

如果對方只係偷拍你個樣，或者喺街、商場等公眾地方影你：

- 香港法律暫時無「肖像權」，即係話單純影你個樣唔算犯法。

但係，如果對方將相片／影片用作不當用途，就可能觸犯《個人資料（私隱）條例》。

3. 違反《個人資料（私隱）條例》的情況

雖然「影樣貌」本身未必犯法，但如果對方處理或使用相片方式唔當，就可能違法，例如：

- 未經同意收集個人資料

如果偷拍清楚影到你嘅證件、車牌等，已經屬於「個人資料」。

未經同意收集，可能違反保障資料原則（DPP1）。

- 將資料作出不當用途

例如用你嘅相片去做廣告、宣傳、甚至假帳戶，呢啲用途無獲得你授權，都可能違反 DPP3。

- 公開披露或「起底」

將相片、姓名、電話、住址放上網，導致你被人識別，甚至被騷擾，就可能構成違法。

根據 2021 年修訂，《起底罪》更加可以由警方直接拘捕。

- 對你造成滋擾或威脅

如果對方嘅行為導致你被追蹤、騷擾，甚至威脅安全，雖然唔一定係「抵毀聲譽」，但都可以透過私隱專員公署投訴。

如果唔放心，你可以就同佢起”爭執” 呢件事報警，要求警方到現場調解，警方會紀錄雙方個人資料以及給予你報案編號，如日後對方違反《個人資料（私隱）條例》，你就可以以報案編號向對方作出民事訴訟。

:: 訪客人次為次