簡易安防EasyGuard

💬 第二步：誘入工作群
騙徒會叫你加入 Telegram「工作群」，話可以「幫商家做任務賺錢」。
群入面全部都係假人同托，佢哋會不斷喺群組吹噓自己
「已經賺咗十幾萬」、「升級做VIP更高人工」，令你放低戒心。
頭幾日你會真係收到錢，
每日完成 20 至 40 個任務，每個任務賺 $10-$30，連人工都提得出嚟！
呢個時候，好多人開始信咗：「原來真係搵到錢！」

📱 第三步：陷阱開始收網
所謂「任務」，其實就係叫你上社交平台幫啲帳戶點讚、追蹤、截圖。
但入面會穿插啲叫「FALL 金任務」——要你先轉錢比佢哋，話係幫商家「增加曝光度」，做完會連本帶利退番俾你。
頭兩日你小心試水，只轉幾百蚊，騙徒真係會退番晒俾你，仲連埋「額外回報」。
你開始覺得：「呢個平台好正喎，唔似呃人。」

💸 第四步：高額陷阱
到第三日，佢哋就會話：「細額任務冇晒名額，要做就要做高額任務！」
每次落注幾千蚊起跳。
因為你之前都順利提過錢，所以覺得「就算唔回都打和」。
結果就係，一次又一次「FALL金」之後，帳戶結餘並唔可以提現。
騙徒會用各種理由拖延：「你做錯任務既步驟」、「要完成晒任務先可提現」、「要支付手續費先可以提現」……
直至你冇晒錢、冇晒耐性，佢哋就會消失。

🚨 總結：一開始俾你甜頭，後面就係陷阱
呢類網騙最大特點就係：

真錢入、假利潤出；
頭幾次真俾錢，後面一次呃清袋；
用「賺錢心理 + 貪小便宜」引人上釣。

記住：
任何話「幾分鐘賺幾百」嘅訊息，十居其九都係騙案。
天下冇免費午餐，尤其喺Telegram入面。

:: 訪客人次為次